रायपुर- छत्तीसगढ़ म स्कूल शिक्षा विभाग के नवा पहल हे कि जेन स्कूल म शिक्षक नई हे उहाँ ऑनलाईन पढ़ाए जाए के समर्थन म संयुक्त राज्य अमेरिका के स्वयंसेवक मन भी आगे आवत हे। स्कूल शिक्षा विभाग द्वारा शिक्षक मन के कमी ल दूर करेबर स्कूल म ऑनलाईन लाइव इंटररेक्टिव कक्षा के योजना शुरू करे के घोषणा के कुछ सप्ताह बाद म ही देश अउ दुनिया ले कई शिक्षक अउ स्वयंसेवक ए कक्षा मन के संचालन करे म सहयोग देत हे। इ म के एक संयुक्त राज्य अमेरिका के मिनेसोटा के स्वयंसेवक अर्चना देवकर जेहा वर्तमान म बोस्टन साइंटिफिक रिसर्च के संग काम करत हे। ओमन द्वारा परियोजना के तहत चयनित 12 स्कूल म ऑनलाईन शिक्षा दे जात हे। स्वेच्छा ले रूचि लेके अपन सामाजिक जिम्मेदारी ल पूरा करत हे।
स्कूल शिक्षा विभाग द्वारा ऑनलाईन पढ़ाए बर शुरू करे पायलेट प्रोजेक्ट के अंतर्गत अमेरिका के अर्चना देवकर जेन 12 स्कूल म शिक्षा देवत हे ओमा चाम्पा, खरोरा, बेमेतरा, सेल, कोमाखान, बालोद, मुंगेली, खौना, सांकरा, नवापारा के दो स्कूल अउ बरना स्कूल शामिल हे। स्कूल शिक्षा विभाग द्वारा ऐसे स्कूल जिहां विषयों के शिक्षक नई हे उहाँ विषय-विशेषज्ञों के माध्यम ले पढ़ाई शुरू होगे हे। ए स्कूल मन म वाई-फाई कनेक्टिविटी के व्यवस्था करे गे हे अउ संग म बच्चा मन के पढ़ाई बर एलसीडी, प्रोजेक्टर, लैपटाप आदि के सुविधा करे गे हे। ए उपकरण के माध्यम ले लाइव पढ़ाई कराए जात हे।
उल्लेखनीय हे कि छत्तीसगढ़ म स्कूल शिक्षा विभाग द्वारा कक्षा नवमीं ले 12वीं तक के 12 शासकीय स्कूल म ऑनलाईन पढ़ाए जाए के शुरूआत 10 फरवरी ले करे हे। 50 घंटा ले जादा लाइव क्लास पहिली ल आयोजित किए जा चुके हे। छात्र मन ऑनलाईन शिक्षक द्वारा सौंपे गए होमवर्क ल भी साझा करे हे जेकर वर्तमान म मूल्यांकन किए जात हे। विद्यार्थी मन बर व्यक्तिगत प्रतिक्रिया के संग स्कूल म वापस भेजे जात हे। राज्य शैक्षिक अनुसंधान अउ प्रशिक्षण परिषद अउ जुगाड़ स्टूडियों, राष्ट्रीय सूचना विज्ञान केन्द्र म तकनीकी टीम के विशेषज्ञ मन कला, वाणिज्य अउ विज्ञान (अंग्रेजी, अर्थशास्त्र, हिन्दी, भौतिकी, रसायन विज्ञान, जीव विज्ञान, गणित) जैसे विषय बर वीडियों विकसित किए हे एमा यू-ट्यूब चैनल – डीईएल (डिस्टेंस एजुकेशन लर्निंग) छत्तीसगढ़ हे जेमा सब विषय के ई-कक्षाएं आयोजित होत हे।आने वाले समय म ए योजना ले करीब एक हजार स्कूल मन ल लाभान्वित करे के लक्ष्य हे। एमा विभिन्न विषय के ऑनलाईन वीडियों तैयार करे गे हे।
योजना के उद्देश्य हे कि वंचित स्कूल के बच्चा मन के ई-क्लास लगवा के ओकर सिखे अउ समझे के प्रक्रिया सुनिश्चित करना अउ आगामी शैक्षणिक सत्र बर तैयार करना हे। राज्य शैक्षिक अनुसंधान अउ प्रशिक्षण परिषद, राष्ट्रीय सूचना विज्ञान केन्द्र नवा रायपुर के माध्मय ले शून्य बजट म दो जुगाड़ स्टूडियो बनाए गे हे। इहां विषय विशेषज्ञ पहिली तो अपन विषयवस्तु के वीडियो शूट करथे अउ फिर ओकर रिव्यू करके राज्य के यू-ट्यूब चैनल डी.ई.एल. (दूरस्थ शिक्षा सीखना) म अपलोड करथे। पांच मिनट के वीडियों अउ लाइव-लेक्चर के माध्यम ले पढ़ाई के बाद ऑनलाईन होमवर्क भी दिए जाथे। बच्चा मन ल पढ़ाई ठीक से समझ म आत हे या नहीं तेला जाने बर जूम एप्प म कॉन्फ्रेंसिंग टू-वे कम्युनिकेशन ले बच्चा मन ल होमवर्क भी दिए जाथे।
